Kərim Abbasov KANAL S-də ekrana gələn "Xəbərin var?” maqazin verilişində qonaq olub.
AZXEBER.COM xəbər verir ki, müğənni şou biznesdəki durğunluqdan danışıb:
"Ümumiyətlə İlhamə Quliyeva rəhmətə gedəndən şou biznesdə durğunluq var. 2000-ci illərdə insanlarda bizə maraq var idi, qalmaqallar vardı. Hər şey təzə idi. Bizdə də işləmək həvəsi var idi. İndi hamı doyub. Çünki hər şey əlçatan olub, adiləşmişik. Sənətçilərin də münasibəti dəyişib bir-birinə. Hamı soyuyub, uzaq gəzirlər bir-birindən. Çünki ehtiyyat edirlər artıq hər şeydən. Məni də gözləri götürmür. Elə bir xalq artisti var ki, məndən heç xoşu gəlmir, qıcıqlanır. Hər yerdə də deyir ki, Kərimin nəyi var ki, ancaq oynamağı. Müğənninin fakturası olmalıdır, o da məndə var. Buna görə də paxıllığımı çəkirlər”.
Kərim uzun illər küsülü olduğu mərhum sənətçi Rəhim Rəhimli ilə münasibətlərindən danışıb:
"Mənim də doğmalarım rəhmətə getdi, kim mənim üçün yas saxladı? Rəhim belə mənə başsağlığı vermədi. Evimdə, ailəmdə olan adam idi. Səhər eşitdim Rəhim dünyasını dəyişib, pis oldum. Bizim aramızda sənət rəqabəti var idi. İkimiz də şounu sevirdik. O, konkret olaraq istəmirdi ki, mən ona rəqib olum. Hətta hər yerdə adımı belə çəkirdi. Bunu hərəkətləri ilə də başa salırdı. Məndən qıcıq olurdu. Lider kanalında çalışanda da mənim ”torbamı tikən” elə o oldu. Mədəni surətdə mənə hər zaman mane olub. Bu sadəcə səhnə üçün olub. Şəxsi heçnə yox idi. Mən hər şeyi ona halal edirəm,halal xoşu olsun. Bunu rəhmətə gedəndə də dedim öz özümə. Allah ona qəni qəni rəhmət eləsin”.
Aysel
