ABŞ millisinin və "Finiks” komandasının məşhur basketbolçusu Kevin Durant dörd əfsanəvi oyunçunun uğurunu təkrarlayıb.
36 yaşlı idmançı buna "Filadelfiya”ya qalib gəldikləri (118:116) qarşılaşmada nail olub.
O, görüşdə 35 xalla yadda qalıb. Beləliklə, Durantın karyerasında ən azı 25 xal topladığı matçların sayı 700 olub.
Daha əvvəl Lebron Ceyms (940), Karim Abdul-Cabbar (793), Karl Meloun (789) və Maykl Cordan (769) bu rəqəmə çata bilib.
