Çin hökuməti Filippini Cənubi Çin dənizində sülh və sabitliyi təşviq etmək üçün birgə hərbi təlimlər keçirməyə dəvət edib.
Bu barədə Filippinin "ABS-CBN News” telekanalı məlumat yayıb.
Telekanal Filippin Silahlı Qüvvələrinin Baş Qərargah rəisi Romeo Bronerə istinad edərək məlumat yayıb ki, o, manevrlərin keçirilməsi ideyasını Çinin Maniladakı səfiri Huang Xilian ilə müzakirə etdiyini açıqlayıb.
Qeyd edək ki, Filippinlə Çin arasındakı diplomatik münasibətlərdəki gərginlik Cənubi Çin dənizindəki mübahisəli ərazilərlə bağlıdır.
Xatırladaq ki, ötən ay Çin Sahil Mühafizəsinin gəmiləri Cənubi Çin dənizində Filippin Sahil Mühafizəsinin gəmilərinin yaxınlığında təhlükəli manevrlər həyata keçirmişdi. Dənizdə toqquşmanın qarşısını almaq üçün iki Filippin gəmisi sürətini azaltmalı olub.
///Apa
