Qərb ölkələri nəinki Ukraynanı, heç öz ordularını da silahlandırmaq istəmirlər.
AZXEBER.COM "Report"a istinadən xəbər verir ki, bu barədə "The Daily Telegraf” nəşri yazıb.
Qeyd olunub ki, Qərbin kifayət qədər istehsal həcmi yoxdur: "Rusiyanınn hücumlarının qarşısının alınması üçün Ukraynaya gündə cəmi 10 min mərmi lazımdır. Mərmi məsələsində problem pul deyil, istehsal potensialının olmamasıdır”.
Məqalədə qeyd edilir ki, hətta ABŞ-ın güclü hərbi-sənaye kompleksi belə ayda cəmi 28 min ədəd 155 mm-lik mərmi istehsal etmək iqtidarındadır: "Bu, Ukraynaya lazım olan ümumi mərmi sayının 10 faizindən də azdır”.
İddiaya görə, indi Qərb əlavə döyüş sursatı istehsalını genişləndirməyə çalışır, lakin temp aşağıdırr: "Səbəb isə odur ki, Qərb sırf Ukraynanı dəstəkləmək üçün istehsalı artırmağı mənasız hesab edir”.
