Ukraynanın paytaxtı Kiyevdə Dnepr çayı üzərində yerləşən Cənub körpüsünə dron hücumlarından müdafiə məqsədilə xüsusi torlar quraşdırılıb.
Bu barədə "Strana" nəşri məlumat yayıb. Nəşr körpünün dirəklərinə torların yerləşdirildiyini əks etdirən görüntülər də yayımlayıb.
Bundan əvvəl Kiyevdə Şimal körpüsündə də analoji müdafiə torları quraşdırılmışdı. Ukraynanın infrastruktur qurumları Dnepr üzərindəki körpülərin zədələnməsindən sonra onların təhlükəsizliyinin gücləndirilməsi istiqamətində tədbirlər görüləcəyini açıqlamışdı.
Məlumata görə, oktyabrın 2-də Kiyevdə Dnepr üzərindəki avtomobil və dəmir yolu körpüsünə zərbə endirilib. Oktyabrın 3-də və 4-də isə Şimal avtomobil körpüsünün hücuma məruz qaldığı bildirilib.
Hadisələr fonunda paytaxtın Dnepr üzərində yerləşən bir sıra iri körpülərində, o cümlədən Cənub, Metro və Paton körpülərində nəqliyyatın hərəkətinə məhdudiyyətlər tətbiq edildiyi qeyd olunub. Bu səbəbdən şəhərdə nəqliyyatın hərəkətində ciddi çətinliklər və uzun tıxaclar yaranıb.
///bakuws///
