Ukrayna paytaxtı Kiyevdə hava həyəcanı elan edilib.
AZXEBER.COM "Report"a istinadən xəbər verir ki, bu barədə şəhər hərbi administrasiyasının məlumatında deyilir.
Sakinlərdən təcili olaraq mülki müdafiə sığınacaqlarına enmələri xahiş olunub.
Bundan əvvəl Ukraynanın Odessa və Nikolayev vilayətlərində, eləcə də Xerson vilayətinin Ukraynanın nəzarətində olan hissəsində hava hücumu xəbərdarlığı verilib.
Ukraynanın Fövqəladə Hallar üzrə Dövlət Xidmətinin məlumatına görə, Rusiya Silahlı Qüvvələri tərəfindən ölkənin 10-a yaxın kritik infrastruktur obyekti vurulub.
O cümlədən 18 yaşayış binasına ziyan dəydiyi qeyd edilir.
