Rusiyanın gecə saatlarında Kiyevə hücumu nəticəsində biri uşaq olmaqla 16 nəfər yaralanıb, iki nəfər həlak olub.
AZXEBER.COM "Report"a istinadən xəbər verir ki, xilasedicilər 8 nəfəri xilas ediblər.
Bundan başqa, şəhərin bir neçə rayonunda yaşayış binaları zədələnib.
Belə ki, Şevçenkovski rayonunda zərbə nəticəsində 14 mərtəbəli binada yanğın baş verib, 1 nəfər xəsarət alıb, yanğın söndürülüb. Solomenski rayonunda 25 və 17 mərtəbəli binalar zədələnib, 2 nəfər xəsarət alıb. Svyatoşinski rayonunda 3 mərtəbəli binaya zərbə nəticəsində 1 nəfər həlak olub, bir uşaq xilas edilib. Fərdi evlərdən birində yanğın baş verib.
Dneprovski rayonunda 10 mərtəbəli bina qismən dağıdılıb, 3 nəfər xilas edilib. Darnitski rayonunda 9 mərtəbəli binanın yaxınlığına raketin düşməsindən sonra yanğın baş verib: 1 nəfər həlak olub, 6 nəfər yaralanıb, həmçinin Ticarət Mərkəzinin yaxınlığındakı avtomobillərə ziyan dəyib.
Bundan başqa, Obolonski rayonunda bir fərdi ev, Qoloseyevski rayonunda isə qarajlar yanıb.
