Klinton Rusiya vasitəsilə İrana xəbərdarlıq edib.
AZXEBER.COM-un TRT-yə istinadən verdiyi xəbərə görə, "Kommersant" qəzetinin xəbərinə görə, ABŞ İranın hərbi əməliyyatla qarşılaşmamaq üçün son şansının aprel ayındakı müzakirələr olduğunu bəyan edib.
Xəbərdə bildirilir ki, bazar ertəsi günü keçirilən BMT Təhlükəsizlik Şurası toplantısından sonra ABŞ dövlət katibi Hillari Klinton rusiyalı həmkarı Sergey Lavrovdan İrana mesaj göndərib. Klinton buldirib ki, BMT Təhlükəsizlik Şurası və Almaniyadan ibarət 5+1 ölkələri ilə İran arasındakı müzakirələr hərbi əməliyyatın başlamaması üçün son şansdır.
Xəbərdə bu mövzuyla bağlı geniş detallara yer verilməyib, ancaq BMT-dəki rus diplomatlar artıq İsrailin İrana hücum edib-etməyəcəyinə deyil, nə zaman hücum edəcəyinə dair sualların səslənməyə başladığını bildiriblər. Rusiya xarici işlər nazirinin müavini Sergey Rıbakov bu iddialarla bağlı konkret açıqlama verməyib, ancaq Rusiyanın problemin siyasi yolla həlli üçün əlindən gələni edəcəyini deyib.
"Kommersant" eyni zamanda Rusiya ordusunun İrana qarşı mümkün hücumuna qarşı öz ölkəsinin təhlükəsizliyini təmin etmək üçün "çox gizli" plan hazırladığını yazıb.
