Belçikalıların Kralı Filip Aktau yaxınlığında AZAL-ın Bakı-Qroznı reysini yerinə yetirən təyyarənin qəzası nəticəsində həlak olan insanlarla bağlı Azərbaycan Prezidenti İlham Əliyevə başsağlığı verib.
AZXEBER.COM-un məlumatına görə, başsağlığında deyilir:
"Kraliça Matilde ilə birlikdə Sizə və Azərbaycan xalqına Aktau şəhəri yaxınlığında baş vermiş təyyarə qəzası nəticəsində faciəvi şəkildə həyatını itirənlərə görə dərin hüznlə başsağlığı veririk. Bu ağır itki anlarında həlak olanların yaxınlarına güc və səbir arzulayır, onlarla birlikdə ən dərin hüznümüzü bölüşürük".
