"Biz səbrlə münasibətlərin yaxşılaşdırılması istiqamətində irəliləyirik. Atılmalı çoxlu addımlar var".
AZXEBER.COM Türkiyə mediasına istinadən xəbər verir ki, bu barədə Kremlin sözçüsü Dmitri Peskov Rusiya ilə ABŞ arasındakı münasibətlərlə bağlı Rusiya mətbuatına açıqlama verərkən deyib.
Peskov ABŞ ilə əlaqələrin yaxşı istiqamətdə inkişaf etdiyini söyləyərək, "Münasibətləri canlandırmaq çox çətin bir işdir, intensiv diplomatik səylər tələb edir. Qarşılıqlı etimadı gücləndirmək üçün kiçik addımlar atılır"-, deyə bildirib.
Peskov iki ölkənin xüsusi nümayəndələrinin qarşılıqlı səfərlər etdiyini vurğulayaraq, "Təbii ki, dərhal nəticə əldə etmək mümkün deyil. Çox böyük problemlər var. Onlar uzun müddət diqqətdən kənarda qaldı. Biz səbrlə münasibətləri yaxşılaşdırmağa doğru gedirik. Atılmalı çoxlu addımlar var".
Rusiya prezidenti Vladimir Putinin ABŞ prezidenti Donald Trampla görüş ehtimalını dəyərləndirən Peskov, ikisinin gec-tez görüşəcəyini və buna hazır olmalı olduqlarını qeyd edib.
Oksana
