Rusiya Federasiyasına qarşı hər hansı təhdid qəbuledilməzdir.
Bunu Kremlin mətbuat katibi Dmitri Peskov Latviya Prezidenti Edqars Rinkeviçsin "Baltik dənizini Rusiya gəmilərinə bağlamaq haqqında düşünməliyik” fikirləri ilə bağlı bəyanatına münasibət bildirərkən deyib.
"İstənilən təhdidlər, kimdən gəlməsindən asılı olmayaraq, ciddi qəbul edilməlidir. Kimdən gəlməsindən asılı olmayaraq, Rusiya Federasiyasına təhdidlər qəbuledilməzdir", - deyə Peskov vurğulayıb.
Kremlin sözçüsü Balticconnector qaz kəmərində baş verən insidentə Rusiyanın heç bir aidiyyatının olmadığını da söyləyib.
"Həqiqətən də orada istintaq gedir. Rinkeviçs sadəcə demək istəyib ki, Rusiyanın bu işdə hər hansı bir əlaqəsi olduğu ortaya çıxarsa, Baltik dənizini Rusiyaya bağlamaq barədə düşünməliyik. Mən isə dərhal vurğulayıram ki, Rusiyanın bununla heç bir əlaqəsi yoxdur. Bir daha təkrar edirəm, Rusiyanın bu insidentlə heç bir əlaqəsi yoxdur. Cavab olaraq mən cənab Prezidentdən soruşmaq istərdim ki, araşdırmalar başa çatdıqdan və Baltik dənizində "Şimal axını”na qarşı terror aktını kimin həyata keçirib və kimin sifarişi verdiyi bəlli olduqdan sonra Baltik dənizi ilə bağlı nə etmək lazımdır? Cənab Prezident bu haqda susmağa və heç nə deməməyə üstünlük verib", – deyə Peskov yekunlaşdırıb.
///Apa
