Kuril adalarında 6,7 bal gücündə zəlzələ baş verib.
AZXEBER.COM xarici mətbuata istinadən xəbər verir ki, bu barədə EMSC (Avropa-Aralıq dənizi Seysmoloji Mərkəzi) açıqlama verib.
Verilən açıqlamada, zəlzələnin yerli saatla 16:47-də yerin 140 km dərinliyində baş verdiyi bildirilib.
Qeyd edək ki, Kuril adaları 1300 kilometrə qədər uzanan və Sakit okeanı Oxot dənizindən ayıran Rusiyaya bağlı 56 adadan ibarətdir.
Vulkanik hərəkətlər nəticəsində əmələ gələn adalarda zəlzələlər tez-tez baş verir. Adalardakı 100-ə yaxın vulkandan 35-i bu gün də aktivdir.
Oksana
