"Lazım olmayan mahnıların təbliğatını edənlər elə televiziyalardır”.
AZXEBER.COM xəbər verir ki, bu sözləri ARB televiziyasında yayımlanan "İncə səhər” verilişinin canlı efirində aktyor Azər Axşam deyib.
"Gəlin boynumuza alaq ki, televiziyalarda bayağı mahnıların reklamları çox gedir. Bayağı dediyimiz ifaçılar verilişlərə çox çağırılır. Səbəb də, bunun "youtube”da filan qədər izləyicisi var. Nə olsun? Səviyyəli musiqinin təbliğatı işi televiziyaların üzərinə düşür. Bayağı müğənni dəvət olunanda onun gəlib efirdə "nay naynay” mahnılarını oxumasına qadağa qoyulmalıdır. Efirin efir mahnısı olmalıdır”.
Aktyor belə olan təqdirdə həmin müğənninin daha çox seviləcəyinə əmin olduğunu dilə gətirib:
"İnanın ki, bu həmin müğənni üçün xeyirdir. Çünki o gəlib burda bəstəkar mahnıları ifa etsə, tamaşaçı deyəcək əhsən! Deməli bunu da bacarır. Əgər efirlər qadağa qoysa ki, bayağı mahnılar yığışdırılsın, inanın ki, efirə gəlmək istəyən o müğənni də daha yaxşı mahnılar oxumağa başlayacaq. Özlərini kəşf edəcəklər bu yolla. Efir toy tutmaq yeri deyil. Toy bizim mədəniyyətimiz yox, adətimizdir”.
Aysel
