İkinci Dünya Müharibəsinin əvvəlində Rusiya prezidenti Vladimir Putinin valideynləri Obvodnıy kanalının sahili 47 ünvanında yaşayırdılar.
1942-ci il iyulun 11-də mühasirəyə alınmış Leninqraddan təxliyə olunana qədər 17 (bu gün 57 nömrəli evdir) nömrəli mənzildə qalıblar.
AZXEBER.COM BAKU.WS-ə istinadən xəbər verir ki, bu barədə araşdırmaçı Valeri Qriqorçuk danışıb.
Əvvəllər hesab olunurdu ki, ailə 97 nömrəli evdə yaşayır (indiki 121).
"Obvodnı, 47, mənzil 17-də Mariya İvanovna Putina 1942-ci il yanvarın 19-da qeydiyyatdan keçib”, - "Fontanka” nəşri tədqiqatçı Qriqorçuka istinadən yazır.
Qeyd olunur ki, Mariyanın əri həmin vaxt yaralandıqdan sonra xəstəxanada müalicə olunurdu, evə buraxıldıqdan sonra həmin ünvanda qeydiyyata düşüb.
Nəşrin məlumatına görə, həmin vaxt uşaqların qeydiyyatı olmayıb. Bununla belə, Vityanın (Vladimir Putinin böyük qardaşı) bu evdə valideynləri ilə birlikdə yaşadığı faktı Qriqorçukun arxiv evakuasiya sənədlərində aşkar etdiyi qeydlər təsdiq edir.
2012-ci ildə Vladimir Putin qardaşının Leninqradın mühasirəsi zamanı həlak olduğunu bildirib.
Onun sözlərinə görə, 1942-ci ildə uşaqları xilas etmək üçün ailələrindən aparıblar, lakin Vitya difteriya xəstəliyinə tutulub və ölüb. Onun dəfn olunduğu yer barədə ailəyə məlumat verilməyib.
