Lider TV Azərbaycan Xalq Cümhuriyyətinin 100 illiyi ilə bağlı proqram yayımında dəyişiklik edib.
AZXEBER.COM xəbər verir ki, bu gün bütün verilişlər cümhuriyyətin 100 illiyinə həsr olunub. Belə ki, "Səda” xəbər buraxılışları, "Panoram”, "Mövqe”, "Geosiyasət”, "Səda+” və "Sədadan sonra” verilişləri cümhuriyyət tarixinə, yaranmasına həsr olunub:
"Prezident İlham Əliyevin cümhuriyyətin ölkədə geniş şəkildə qeyd edilməsi ilə bağlı sərəncamı ilə Azərbaycanda 100 illiyə həsr olunmuş silsilə tədbirlər keçirildi. Nəinki Azərbaycanda, Azərbaycanın xaricdəki rəsmi nümayəndəliklərinin təşkilatçılığı ilə Şərqdəki ilk demokratik respublikanın yaradılmasının yubileyi başqa ölkələrdə də geniş qeyd edildi. Bütün bunları geniş işıqlandırmış TV olaraq, öz təşəbbüsümüzlə ölkəmizin şanlı tarixini bayram kimi qeyd etmək qərarı verdik. Bu səbəbdən ənənəvi proqram yayımımızda dəyişiklik edib, bayram əhval ruhiyyəli bir proqram hazırlamışıq. Bu gün efirə gedən bütün verilişlər cümhuriyyətin yaranmasına, Azərbaycan tarixindəki xüsusi yerinə və cümhuriyyət tarixinə həsr olunub.
Lider TV-nin loqosu üzərində də cümhuriyyətin 100 illiyini əks etdirən qrafika yerləşdirilib”, - deyə TV-nin mətbuat xidmətindən bildirilib.
Eyni zamanda Lider TV-nin cümhuriyyətlə bağlı hazırladığı 1 sənədli film də bu gün tamaşaçıların ixtiyarına veriləcək
