Fransanın "Lion" klubu "Fənərbaxça"ya uduzarsa 50 milyon avroluq futbolçunu satmalı olacaq
AZXEBER.COM xarici mətbuata istinadən xəbər verir ki, UEFA Çempionlar Liqasının pley-off mərhələsində "Fənərbaxça”nın rəqibi olan "Olimpik Lion” üçün cavab oyunu böyük maliyyə əhəmiyyəti daşıyır.
Fransanın "L'Equipe” nəşrinin məlumatına görə, "Lion” "Fənərbaxça”ya məğlub olaraq Çempionlar Liqasından kənarda qalarsa, maliyyə meyarlarını qarşılamaq üçün 50 milyon avro dəyərində futbolçu satmalı olacaq. Fransız klubu mərhələni keçəcəyi təqdirdə isə bu məbləğin 25 milyon avroya qədər azalacağı bildirilir.
Məlumata görə, "Lyon”un satış siyahısında Malick Fofana, Pavel Sulc, Ruben Kluivert, Ernest Nuamah, Ainsley Maitland-Niles, Tanner Tessmann, Nicolas Tagliafico və Duje Caleta-Car kimi futbolçuların adları yer alır.
Son illərdə ciddi maliyyə problemləri yaşayan Fransa klubu üçün Çempionlar Liqasının gəlirləri xüsusi əhəmiyyət daşıyır. "Lion”un "Fənərbaxça” ilə cavab qarşılaşmasından əldə edəcəyi nəticə klubun transfer siyasətinə də birbaşa təsir göstərə bilər.
Qeyd edək ki, komandalar arasında İstanbulda keçirilən ilk görüş 1:1 hesabı ilə başa çatıb. Cavab oyunu avqustun 26-da Fransada keçiriləcək.
