Livanın cənubundan tank əleyhinə raket hücumu nəticəsində 1 İsrail əsgərinin öldüyü, 3-nün yaralandığı açıqlanıb.
AZXEBER.COM xarici mediaya istinadən xəbər verir ki, bu barədə "Yediot Ahronot” qəzeti məlumat yayıb.
Digər tərəfdən Livanın NNA xəbər agentliyi Hizbullahın sərhəddəki İsrail mövqelərinə hücumlarını davam etdirdiyini qeyd edib.
Belə ki, oktyabrın 8-dən etibarən Livan sərhəddindəki hücumlarda həlak olan İsrail əsgərlərinin sayı 3-ə yüksəlib.
Hücumlarda 12 Hizbullah üzvü həyatını itirib.
Livan Hizbullahı oktyabrın 19-da sərhəddəki Əl-Abad hərbi məntəqəsinə yaxın ərazidə jurnalistlər də daxil olmaqla 9 nəfərin qapalı qalmasına və ardınca livanlı Abdullah Rəbinin öldürülməsinə cavab olaraq dünən birbaşa olaraq İsrailin Branit Hərbi Bazasını hədəfə alıb.
Hücum nəticəsində İsrail əsgərləri arasında ölən və yaralananların olduğunu bildirib.
Mikayıl
