Qaradağ rayonu Lökbatan qəsəbəsində yaşayan sakinlər içməli su problemi ilə üzləşib.
Bu barədə AZXEBER.COM-a onlar özü məlumat verib.
Şikayətçilər bildirib ki, artıq uzun müddətdir ki, onlar palçıqlı sudan istifadə etmək məcburiyyətində qalıblar.
Sakinlərin sözlərinə görə, həmin əraziyə günlərlə su verilmir, verilən zaman da su palçıqlı su olur.
Mövzu ilə əlaqədar "Azərsu” ilə əlaqə saxladıq.
Qurumun rəsmisi Anar Cəbrayıllı AZXEBER.COM-a açıqlamasında bildirib ki, problem şəbəkə ilə əlaqəli ola bilər:
"Lökbatanın qidalandığı xətdən bu gün Səbail rayonu, Sahil qəsəbəsi, Ələt, Səngəçal rayonu, yolboyu Hacıqabul, Şirvan rayonlarına gedən su bütünlükdə Kürdə təmizlənən sudur. Lilli suyun əsas səbəbi daxili şəbəkədə sıradan çıxmış borulardan qaynaqlana bilər. Mövzu ilə əlaqədar vətəndaşla əlaqə saxlanılacaq, problemlə bağlı lazımi tədbirlər görüləcək".
Ayşən
