"Azərbaycanda erkən nikahdan ildə 3 minə yaxın uşaq doğulur".
Bunu Ailə, Qadın və Uşaq Problemləri üzrə Dövlət Komitəsinin sədrinin müavini Sədaqət Qəhrəmanova Dayanıqlı İnkişaf üzrə Milli Əlaqələndirmə Şurasının işçi qruplarının iclasında deyib.
S.Qəhrəmanova bildirib ki, ergən nikah halları xüsusən kəndlərdə baş verir.
S.Qəhrəmanova qeyd edib ki, Dövlət Komitəsi bu halların qarşısının alınması istiqamətində daim tədbirlər həyata keçirir.
Komitə sədrinin müavini vurğulayıb ki, hüquq-mühafizə orqanları ilə birgə digər icra strukturları da erkən nikahların qarşısının alınmasında, bununla bağlı qanunvericiliyi pozan insanların cəzasını almasında iştirak etməlidirlər: "Bu istiqamətdə yerli icra nümayəndələri, bələdiyyələr və əhali ilə işləri gücləndirmək, maarifləndirmə tədbirlərini artırmaq bizim qarşımızda duran vəzifələrdən biridir".
///Trend
