AZXEBER.COM-un Dövlət Neft Şirkətinə istinadən verdiyi xəbərə görə, konfrans Xəzər regionu dövlətlərinin imkanlarının araşdırılmasına, ticarətin inkişafı üçün mümkün tədbirlərin işlənilib hazırlanmasına həsr olunub.Tədbir Azərbaycan Beynəlxalq Bankı və Böyük Britaniyanın “TheCityUK” və “Asia House” bankları tərəfindən təşkil olunub.Doqquz bölmədə aparılan müzakirələrdə regional məsələlər, o cümlədən enerji, infrastruktur, bank, istehsal, peşəkar xidmət, təhsil, turizm sahələrinə aid məsələlər, həmçinin qarşıda duran vəzifələr əhatə olunub.Konfransda çıxış edən SOCAR-ın vitse-prezidentiRəfiqə Hüseynzadəiştirakçıları şirkətin “Cənubi Qaz Dəhlizi” layihəsi üzrə strategiyası ilə tanış edib.O, şikətin təbii qaz ixracı və Avropa enerji təhlükəsizliyi sahəsində gördüyü işlər və əldə etdiyi nailiyyətlər haqqında məlumat verib.Təqdimatda İngiltərənin nəhəng “TheCityUK” bankının rəhbəri Kris Kummins, Azərbaycan Beynəlxalq Bankının İdarə Heyətinin Sədri Cahangir Hacıyev, Lordlar Palatasının üzvü Reymond Oksford, Böyuk Britaniya Xarici İşlər Departamentinin rəsmiləri, xarici ölkələrin səfirləri, Azərbaycanın Böyuk Britaniyadakı səfiri Fəxrəddin Qurbanov, maliyyə və biznes dairələrinin nümayəndələri iştirak ediblər.Konfransın sonunda “Cadogan Hall”-da Azərbaycanın klassik musiqi və muğam ifaçıları, Britaniya Kral Filarmoniyası Orkestri Azərbaycan Beynəlxalq Bankının 20 illiyinə həsr olunmuş qala-konsertlə çıxış ediblər.