Ə. Amaşov on-line medianın inkişafının dəstəklənməsi sahəsində də müəyyən işlərin görüldüyünü vurğulayıb. Onun sözlərinə görə, Azərbaycanda internet mediasına heç bir maneə yoxdur: “Azərbaycanda vətəndaşlar sərbəst şəkildə sosial şəbəkələrdən istifadə edir, bloqlar yaradır. Mətbuat Şurası may ayının sonlarında Bakıda internet mediasına həsr olunmuş konfrans keçirməyi planlaşdırır”.
On-line mediaya nəzarət məsələsinə gəlincə, Ə. Amaşov bunun mümkün olmadığını qeyd edib: “Onların yerləşdiyi serverlərin əksəriyyəti ölkədən kənardadır. Bir neçə internet portalı Mətbuat Şurasının üzvüdür. Onlardan da bəzən bizə şikayətlər daxil olur. Əgər etik qaydaların pozulması ilə bağlı şikayətlər olursa, biz iradlarımızı çatdırırıq”.
/// APA
