O, maksimum 100 ballıq sistmedə 99 bal toplayaraq ən yüksək nəticəni göstərib.  Tamerlan Abdullayev həmçinin 5 il öncə Xəzər Universitetinə 690 balla qəbul olub.

Ölkə birincisi AZXEBER.COM-a özəl müsahibəsində yüksək nəticə toplaması ilə bağlı sirlərini bölüşüb.

- Maksimum nəticə göstərmək üçün sadəcə olaraq keyfiyyətli şəkildə oxumaq, müəllimlərin tapşırıqlarını etmək lazımdır. İmtahandan öncəki günlərdə özünüzü çox yormamalısınız ki, imatahan zamanı da potensialınızı maksimum şəkildə göstərə biləsiniz. Çox yorulduqda, imtahandan əvvəlki günlərdə və ya imtahan gecəsi yuxusuz olduqda bunlar mənfi təsirlərini göstərir. Ona görə də bunlardan uzaq olmaq lazımdır. 

- Magistr təhsilimi Amerika Birləşmiş Ştatlarının Cincinnati Universitetində davam etdirmək istəyirəm. Çünki oradan tam təqaüd almışam. Bundan başqa İtaliyanın Padua Universitetindən də tam təqaüd almışdım ki, bunlar arasında seçim etdikdə ABŞ-ın daha düzgün seçim olduğunu düşünürəm. Çünki ABŞ-da mənim ixtisasımla bağlı yaxşı şansların və imkanların olduğunu düşünürəm. 

- ABŞ-da qəbul olduğum ixtisas doktorantura dərəcəsinə aiddir. Kompüter mühəndisliyi və kompüter elmləri ixtisasıdır. Yəqin ki, doktorantura dərəcəsini almaq üçün 6-7 il təhsil alacağam. Bunun üçün orada dərs də deməliyəm ki, bu dərəcəni ala bilim. Daha sonra mümkün olsa, orada qalıb professor və ya başqa bir işçi kimi işləyəcəyəm. Mümkün olmasa, Azərbaycana qayıdıb öz biliklərimi bölüşəcəyəm. Elə indinin özündə də olimpiada üçün 3 nəfər də hazırlaşdırıram. Hazırlaşdırdığım uşaqlar qalib olsa, ölkəmizi Almaniyada təmsil edəcəyik. 

- Belə düşünürəm ki, təhsil sadəcə tələbənin özündən asılı olan bir şeydir. Çünki universitetlər sadəcə bütün tələbələrə başlanğıc bilgisini verir. Hər halda mühəndislik ixtisaslarında bu cürdür. Digər ixtisasları bilmirəm. Burada da geniş sahələr olduğu üçün və daim yenilənən bir sahə olduğu üçün universitetlərin verdiyi bilgi sadəcə başlanğıc bilgiləridir. Ondan sonra hər bir şey tələbənin özündən asılıdır ki, özünü inkişaf etdirsin. Məsələn, kompüter mühəndisliyi oxuyuram, bunun üçün onlarla sahə var ki, siz öz yolunuzu tapıb həmin sahə üzrə davam edə bilərsiniz. Bunun hər biri üçün tam şəkildə bilgi vermək mümkün olmadığı üçün universitetlər ilkin bilgi verir ki, seçim də tamamilə tələbənin özündən asılı olsun. Universitetin verdiyi bilgilər iş mühiti üçün yetmədiyi üçün hər bir tələbə öz yolunu seçdikdən sonra bu sahədə müxtəlif araşdırmalar etməli, kurslar götürməli və bu sahədə özünü inkişaf etdirməyə davam etməlidir.

Əgər tələbə öz ixtisasında inkişaf edəcəyini düşünürsə, yaxud bunun üçün magistra ehtiyac olduğunu düşünürsə, Azərbaycanda magistr təhsili almaq dəyər. Amma Azərbaycanda qeyd etdiyim sırf yenilənən sahələrdə, fikrimcə, iki il magistr oxumaq sadəcə vaxt itkisidir. Çünki bu sahələr bizdə o qədər də inkişaf etməyib. Xarici mütəxəssislərdən istifadə olunur. Əgər bunu düşünməsəydim, özüm də təhsilimi Azərbaycanda davam etdirməyi seçərdim. Amma indiki halda xaricdə davam etdirmək istəyirəm.

 

- Bakalavrda hər iki imtahanda 690 bal toplamışdım. Biri aprel imtahanı, digəri isə iyun imtahanı idi. Hər ikisində bir səhvim olmuşdu. Bu nəticəyə görə mən valideynlərimə və müəllimlərimə borcluyam. Ən önəmlisi valideynlərim idi ki, mənim üzərimdə dayandılar və təhsil almağıma dəstək göstərdilər. Əgər başqa valideynlərin övladı olsaydım, çox güman ki, mən bu nəticəni göstərə bilməyəcəkdim. Mənim qardaşım da 2018-də keçirilən hər iki qəbul imtahanında 690 bal toplayaraq Xəzər Universitetini seçib. Yəni, önəmli olan valideyn və müəllim faktorlarıdır ki, tələbə uğur qazansın.

- Onlara məsləhətim o ola bilər ki, keyfiyyətli şəkildə oxumağa davam etsinlər. Sadəcə "3 saat dərs oxuyum, bu, kifayətdir” kimi fikirlərlə ümidlənməsinlər. Dərsi qavrayana qədər oxusalar, kifayət edər. Çünki mən özüm də belə edirdim. Tapşırıq və dərsləri özüm başa düşənə qədər oxuyurdum ki, sonra mənə problem yaratmasın. Tələbələrə məsləhətim də bundan ibarətdir.