Vergilər Nazirliyi tərəfindən birləşdirilmiş (konsolidə edilmiş) maliyyə hesabatlarını auditor rəyi ilə birlikdə dərc etdirməli olan kommersiya təşkilatlarının siyahısı müəyyən edilib.Siyahı Maliyyə Nazirliyinə təqdim olunub.Maliyyə Nazirliyindən əldə olunan məlumata görə kommersiya təşkilatları iyun ayının 30-dan gec olmayaraq maliyyə hesabatını və birləşdirilmiş (konsolidə edilmiş) maliyyə hesabatlarını qanunla müəyyən edilən hallarda auditor rəyi ilə birlikdə özünün internet səhifəsində, habelə mətbu orqanda dərc etdirməli və bu barədə Maliyyə Nazirliyinə məlumat verməlidirlər.
Maliyyə hesabatlarını qeyd olunan vaxta qədər dərc etdirib nazirliyə məlumat verməyənlər, mühasibat uçotu üzrə qanunvericiliyin, hesabat və məlumatların təqdim edilməsi qaydalarının pozulmasına görə 500 manatdan 2000 manatadək cərimələnəcəklər.
