İtaliya millisinin baş məşqçisi Roberto Mançini AVRO-2020-nin finalı barədə danışıb.
Bu barədə "Football Italia” nəşri yazıb.
Onun sözlərinə görə, italiyalı oyunçular xarakter nümayiş etdirib və layiq olduqları qələbəni qazanıblar.
"İngiltərə yaxşı oynadı. Dərhal qol buraxdıq, ağır oldu, ancaq həmin andan sonra üstünlük bizdə oldu. Uşaqlar sadəcə möhtəşəm idilər, bilmirəm başqa nə deyim. Bu qələbə hər kəs üçün vacib idi. Xoşbəxtik, yaxşı oynayaraq qalib gəldik. İnanıram ki, azarkeşlərimiz indi bayram edir. İndi xoşbəxtik və əhəmiyyətli olan da budur”, - deyə R.Mançini bildirib.
