"Meta"nın baş icraçı direktoru Mark Zukerberq, ağıllı telefonların yerini alacaq yeni bir dövrdən danışaraq "iPhone"yə vida” mesajı verib.
AZXEBER.COM xarici mətbuata istinadən xəbər verir ki, Zukerberqin açıqlamasına görə, süni intellektlə təchiz olunmuş geyilə bilən cihazlar texnologiya təcrübəmizi kökündən dəyişəcək.
"Meta"nın qurucusu yaxın gələcəkdə ekranlı cihazların yerini kontekstə və istifadəçiyə əsaslanan süni intellekt sistemlərinin tutacağını vurğulayır. Meta-nın vizyonunda istifadəçini daima anlayan ağıllı eynəklər və daşınabilən süni intellekt əsaslı cihazlar əsas informasiya emalı platformalarına çevriləcək.
Zukerberq bu keçidi təkcə avadanlıq dəyişikliyi kimi deyil, fərdi güclənməni və yaradıcılıq ifadəsini artıracaq dərin bir transformasiya kimi qiymətləndirir. Onun fikrincə, geyilə bilən cihazlar istifadəçilərin həyatına dərindən inteqrasiya olunmuş bir "şəxsi super zəka” formalaşdıracaq.
Meta bu vizionu dəstəkləmək üçün süni intellekt infrastrukturunu sürətlə genişləndirir. Şirkət yüksək səviyyəli AI tədqiqatçılarını işə cəlb edir, laboratoriyalarını böyüdür və Ray-Ban kimi markalarla əməkdaşlıq quraraq geyilə bilən AI məhsulları hazırlamağa fokuslanır. Zukerberqin bu açıqlamalarından belə qənaətə gəlmək olar ki, Meta texnoloji gələcəyini ağıllı eynəklər ətrafında formalaşdırır.
Oksana
