Marsda indiyə qədər qeydə alınan ən böyük zəlzələnin köməyi ilə astronomlar müəyyən ediblər ki, Marsın qabığı Yer qabığından təxminən 70% daha qalındır.
AZXEBER.COM xəbər verir ki, ABŞ Aerokosmik Agentliyinin (NASA) InSight eniş aparatının təsbit etdiyi zəlzələdən əldə edilən məlumatları qiymətləndirən elm adamları, Marsın qabığının ortalama 45 ilə 56 kilometr qalınlığında olduğunu təyin ediblər.
Bu məlumata görə, Marsın qabığının yer qabığından təxminən 70% qalın olduğu açıqlanıb.
Ölçmə NASA-nın dörd Yer ili ərzində Marsda yer qabığının hərəkətlərini qeyd edən stasionar seysmometr olan InSight eniş aparatının məlumatlarına əsaslanır.
NASA InSight 2022-ci ilin may ayında Marsda baş verən və altı saatdan çox davam edən 4,7 bal gücündə zəlzələni qeydə alıb. Zəlzələnin Marsın qabığını üç dəfə dövr etdiyi müəyyən edilib.
Bu məlumatlardan istifadə edərək Zürih ETH Universitetinin seysmoloqu Doyeon Kim və onun komandası planetin qabığının qalınlığını təxmin edib.
Tədqiqatçılar müəyyən ediblər ki, yer qabığı təkcə Yer və Ayınkından daha qalın deyil, bütün Qırmızı Planetdə eyni qalınlıqda deyil.
Marsın orbitində fırlanan alətlərin topoloji və qravitasiya məlumatları göstərir ki, planetin şimal yarımkürəsi onun cənub yarımkürəsindən aşağıdır.
Araşdırma "Geophysical Research Letters" jurnalında dərc olunub.
Gülay
