BMT -nin Dünya Ərzaq Proqramının icraçı direktoru David Bizli "Tesla" və "SpaceX" şirkətlərinin rəhbəri İlon Maskda maliyyə yardımı üçün müraciət edib. O, Maskdan aclıq təhlükəsi və onun nəticələrinə qarşı mübarizə üçün 6 milyard dollar bağışlamasını istəyib.
AZXEBER.COM xəbər verir ki, Bizli öz müraciətini "Twitter" də yerləşdirib. O, bu il 42 milyon insanın aclıq həddində olduğunu söyləyib.
"İlon Mask, dünən altı milyard dollar qazandın - bu fəlakətin qarşısını almaq üçün lazım olan məbləğdir! Xahiş edirəm kömək et", - Bizli yazıb.
Qeyd edək ki, bir müddət öncə BMT Baş katibi Antonio Quterreş, koronavirus pandemiyasının dünyada 100 milyondan çox insanı yoxsulluğa sürüklədiyini bildirmişdi.
