Argentinalı ulduz futbolçu Mauro Ikardi özünə yeni klub tapa bilmir.
AZXEBER.COM xarici mediaya istinadən xəbər verir ki, "Qalatasaray"dan iyulun 17-də ayrılan argentinalı hücumçu hələ də yeni klub tapa bilməyib.
İkardinin ayrılığından təxminən bir ay keçsə də, 33 yaşlı futbolçu heç bir klubla müqavilə imzalamayıb. Argentina mətbuatı ulduz hücumçunun karyerasının qeyri-müəyyən mərhələyə daxil olduğunu yazıb.
Argentina mətbuatının iddiasına görə, heç kim İkardinin futbolçu kimi bacarığına və təhlükəli qolçu olmasına şübhə etmir. Lakin klublar onun transferinin gələcəkdə "problem yarada biləcəyindən” ehtiyat etdikləri üçün argentinalı hücumçudan uzaq durmağa üstünlük verirlər.
