AZXEBER.COM xəbər verir ki, mütəxəssislərin fikrincə, mövsümə uyğun qidalanma sağlamlıq üçün vacib olduğu kimi, təbiətin qorunması baxımından da böyük əhəmiyyət daşıyır. Buna görə də may ayında balıq seçimi edərkən daha diqqətli olmaq tövsiyə olunur.
Mütəxəssislərin rəyinə görə, may ayında bütün balıqlardan imtina etməyə ehtiyac yoxdur, lakin seçim düzgün edilməlidir. Kürütökmə dövründə olan balıqların ovlanması və istehlakı həm onların nəslinin azalmasına, həm də dad keyfiyyətinin zəifləməsinə səbəb olur. Bu baxımdan, daha çox yetişdirilən və ya mövsümə uyğun olan balıq növlərinə üstünlük vermək məsləhətdir.
Eyni zamanda, təzəlik və saxlanma şəraiti də nəzərə alınmalıdır ki, sağlamlıq baxımından risk yaranmasın.
/Metbuat.az
