İyunun 6-da pop musiqisinin kralı Maykl Ceksonun qızı Peris Cekson intihara cəhd edib.

AZXEBER.COM-un TMZ informasiya portalına istinadən verdiyi xəbərə görə, 15 yaşlı Peris Cekson çoxlu həb atıb, daha sonra isə mətbəx bıçağı ilə damarlarını kəsib.Peris Cekson xəstəxanaya çatdırılıb və həkimlərin müdaxiləsi ilə həyatı xilas olunub. Bildirilir ki, intihar cəhdinə səbəb qızın öz qəyyumları ilə Merlin Mensonun konsertinə getmək üstündə mübahisəsi olub.Bundan əlavə jurnalistlər Peris Ceksonun intihar cəhdi ilə bağlı yeni məlumatlar əldə ediblər. Anonim mənbələrin verdiyi məlumata görə, Peris Ceksonun sinif yoldaşları ona açıq şəkildə sataşırdılar. Xüsusilə də məşhur atasının ünvanına azyaşlılara şübhəli davranışı ilə bağlı yeni məlumatlar açıqlandıqdan sonra bu sataşmalar daha da sərt xarakter almağa başlayıb.Peris Ceksonun qəyyumları onun oxuduğu elit özəl məktəbə qayıtmayacağı barədə qərar qəbul ediblər.