Elm və təhsil naziri Emin Əmrullayev məktəblərdə tənəffüs vaxtlarının artırılması ilə bağlı yayılan fikirlərə aydınlıq gətirib.
AZXEBER.COM-un oxu.az-a istinadla məlumatına görə, nazir keçirdiyi brifinqdə qeyd edib ki, məsələ barədə təkliflərə baxıla bilər:
"Bu barədə məktəb rəhbərliyi ilə valideynlər qərara gələ bilərlər. Direktor fikirləşsə ki, bu məsələni tənzimləmək olar, o zaman bununla bağlı məsələyə baxıla bilər”.
Nazir bildirib ki, məktəblərdə tənəffüslərin qısa olması isə ikinövbəli məktəblərdə şagirdlərin orada qalma müddətinin uzanmaması üçündür.
