Phuketdə məşhur müğənni Valeri Meladzenin konsertində insident yaşanıb.
AZXEBER.COM xəbər verir ki, məlumata görə, dava"Lotus Arena"da, müğənninin çıxışının sonunda baş verib.
Meladze tamaşaçılarla ünsiyyət zamanı iki kişi birbaşa rəqs meydançasında dava etməyə başlayıb. Onların xanımları və digər tamaşaçılar kişiləri ayırmağa çalışıblar. Hadisə konsertin gedişinə təsir etməyib.
Bəzi tamaşaçılar Valeri Meladzenin konsertinin pis təşkil olunduğunu da deyiblər.
Tamaşaçılar tədbirin başlanmasını yaxınlıqdakı mağazada gözləməli olublar. Bəzilərinə fan-zonaya keçə bilməyəcəkləri bildirilib. Gözətçilərin sözlərinə görə, növbədə dayanmış qızlardan birində panik atak başlayıb.
