Türkiyədə yaşayan aktrisa Məlahət Abbasova aktyor Ufuk Özkan üçün kömək istəyib.
AZXEBER.COM xəbər verir ki, aktrisa onun qana ehtiyacı olduğunu bildirib.
"Qan qrupu B və ya 0 olan 18-55 yaş arası, hər hansı xroniki xəstəliyi olmayan və donor olmaq istəyən şəxslər əlaqə saxlasın" deyə, M.Abbasova paylaşımında qeyd edib.
O, həmkarına şəfa diləyərək "Sənə tez sağalmağı diləyirəm. Bu xəstəliyi atladacaqsan" sözlərini əlavə edib.
Qeyd edək ki, Ufuk 2022-ci ilin avqustunda həyat yoldaşı Nazan Günəşdən boşanıb. İkilinin bir oğlu var. Bir müddət əvvəl qaraciyər çatışmazlığı səbəbindən orqan transplantasiyası üçün müraciət edən aktyor daha sonra buna ehtiyac qalmadığını demişdi.
