“Sən ancaq qaçıb gizlənməyi və ara qarışdırmağı bilirsən”.
AZXEBER.COM-un Türkiyə mətbuatına istinadən verdiyi məlumata görə, bu sözləri Türkiyənin baş naziri Rəcəb Tayyib Ərdoğan söyləyib. O, Sakarya şəhərində keçirdiyi mitinqdə, “camaat” rəhbəri Fətullah Gülənə səslənib. Baş nazir, “Mən Gülənə hörmət etsəm, özümə hörmətsizlik etmiş olaram” sözləri ilə bir daha Gülənə qarşı başlatdığı mübarizədən bəhs edib:
“Ey Fətullah Gülən “Mavi Marmara” gəmisində 9 şəhid verərkən ağladınmı? Suriyada ölən 160 min insan üçün ağladınmı? Fələstində qırılan uşaqlar üçün göz yaşı tökdünmü?. Sən ancaq qaçıb gizlənməyi və ara qarışdırmağı bilirsən. Biz Allaha inanırıq. Allah qoysa, sənin də axırına çıxacağıq”.
