"Mən şou-biznes deyib trenddə otura, bayağı nəsə ifa edə bilmərəm. Dünya səhnəsinə çıxmaq iddialarım var çünki mən trendə uyğunlaşmıram, trendi yaradıram".
AZXEBER.COM xəbər verir ki, bunu Xalq artisti Tünzalə Ağayeva jurnalistlərlə görüşdə deyib.
Xalq artisti trenddəki ifaçılarla bağlı fikirlərini bölüşüb:
"Mən intellektuallığıma dəyər qatmalıyam, çünki keyfiyyətli mahnıya dəyər verirəm. Bu mənim tərbiyəmdir, mən bu ruhda böyümüşəm. "Youtube" da populyar olan müğənnilərlə mümkün qədər duet oxumaram. Əgər intellektimizi artırmaq istəyiriksə özümüzdən yaxşılara baxmalıyıq. Əgər o gəlib mənə çatmağa çalışmayacaqsa, məni öz yanına çəkəcəksə, oxumaram.Çünki mən trendə uyğunlaşmıram, trendi yaradıram. Məndən nəsə öyrənmək istəsələr, o zaman oxuyaram. Onun niyyətinə baxmaq lazımdır. Amma onlardakı populyarlıq eqosu buna imkan verməyəcək. Mənim dinlədiyim mahnılar, mənim qidamdır.
Böyük səhnədə çıxış etmək üçün sinəmə döyürəm. İstər danışıq dili, istər tərz, istər görünüş olaraq heç kimdən geri qalmıram və dünya səhnəsinə iddialıyam".
Aysel Hacızadə
