'Məni Aslan müəllim vəkil etməyib' - İradə Cavadova
SİYASƏT
15:26 13.05.2013
4822
“Aslan İsmailov Vəkillər Kollegiyasının işində yaxından iştirak etmirsə və bu səbəbdən onun qurumdakı fəaliyyətinə baxılırsa, bunu siyasiləşdirməyə dəyməz”.Bu sözləri AZXEBER.COM-a çıqlamasında Vəkillər Kollegiyasının üzvü, hüquq müdafiəçisi İradə Cavadova vəkil Aslan İsmailovun Vəkillər Kollegiyasının üzvülüyündən çıxarılmasına və özünün bu qərarın lehinə səs verməsinə dair məsələyə münasibət bildirərkən belə deyib.Onun sözlərinə görə Aslan İsmailovun olayı siyasiləşdirmək cəhdləri təəssüf doğurur:” Aslan müəllimin dedikləri ədalətli fikirlər deyil. Vəkillər Kollegiyasının Rəyasət Heyətinin üzvüyəm. Düzdür Rəyasət Heyətində belə bir qərar verilmişdir ki, Aslan İsmailovun Vəkillər Kollegiyasında fəaliyyəti davam etdirilsin, ancaq vəkillikdən xaric edilməsi üçün məhkəməyə müraciət edilsin. Bildiyiniz kimi Vəkillər Kollegiyasının Rəyasət Heyətindən başqa həmdə İntizam Komissiyasıda mövcuddur. Bu mövzu tam olaraq 5 ay bu komissiyada müzakirə olunmuşdur. Aslan müəllim həmin komissiyanın iclasında sözügedən pozuntularla bağlı etiraf etmişdir. Baxmayaraq ki, AZADLIQ radiosunda hadisə tam fərqi təqdim edilsədə, sonradan fərqli yanaşmalar oldu. Olayın bu cür siyasiləşdirilməsinə görə təəssüf edirəm”. İradə Cavadova Aslan İsmailovun bütün vəkilləri qul adlandırmasına kəskin etirazını bildirib.” Aslan müəllim bütün vəkilləri qul adlandırmışdır. Bu məndə çox böyük təəssüf doğurur. Təbii ki, verilən qanun bununla əlaqəli deyildi. Qanun pozuntularına görə etiraf etdiyinə görə qanun bu cür olmuşdur. Qərara gəlincə isə onun fəaliyyətinin dayandırılması müzakirə obyetinə qətiyyən qoyulmayıb. Sadəcə olaraq yeni müqavilələrinin imzalanmasına müvəqqəti qadağalar qoyulub ki, məhkəmənin ədalətli qərarından sonra bu haqda geniş müzakirələr olacaq”.Hüquq müdafiəçisi İradə Cavadova “qul” sözünə açıqlama olaraq isə özünü əsla bu sözə aid görmədiyini bildirib. ”Mən lisenziyalı hüquqşunas olaraq, vəkillər kollegiyasına 2006-cı ildə qəbul olmuşam. Məni Aslan müəllim vəkil etməyib. Onu sözlərinə görə məhz onun Prezidentə müraciətindən sonra qanuna edilən dəyişikliklərdən sonra 300 nəfər “bədbəxt” olan hüquqşunaslar yenidən lisenziya ala bilmişdilər ki, buda çox absurt bir fikirdir. “Fatimə İbrahimova
