Qeyri-qanuni yollarla Avropaya keçməyə çalışan immiqrantları daşıyan qayığın Mərakeş sahillərində batması nəticəsində 69 nəfərin itkin düşdüyünü açıqlanıb.
AZXEBER.COM xarici mətbuata istinadən xəbər verir ki, bu barədə Mali Xarici İşlər Nazirliyi açıqlama verib.
Nazirlikdən verilən açıqlamada, dekabrın 19-da İspaniyaya getməyə çalışan təxminən 80 nəfərin olduğu qayığın Mərakeşin ərazi sularında batdığı bildirilib.
Ölənlər arasında 25 Mali vətəndaşının olduğu bildirilib.
9-u Mali vətəndaşı olmaqla 11 nəfər xilas edilib.
Qayığın hərəkət nöqtəsi ilə bağlı məlumat paylaşılmayıb.
Dünən dərc olunan hesabatında İspaniyanın qeyri-hökumət təşkilatı Caminando Fronteras (Gəzinti Sərhədləri) 2024-cü ildə qeyri-qanuni yollarla İspaniya sahillərinə çatmağa çalışarkən ən azı 10.457 nəfərin öldüyünü açıqlayıb.
Qeyd edək ki, hesabatda 2024-cü ilin İspaniyanın müasir immiqrasiya tarixi üçün "ən ölümcül" il olduğu vurğulanıb və hər gün orta hesabla 30 nəfərin İspaniyaya keçmək istəyərkən dənizdə öldüyü qeyd edilib.
Oksana
