DÇ-2022-də Almaniyanı 2:1 hesabı ilə məğlub edən Yaponiya böyük sürprizə imza atarkən, alman futbolçular matçın sonunda məğlubiyyətlə bağlı açıqlamalar verib.
AZXEBER.COM xarici mediaya istinadən xəbər verir ki, Almaniya Millisinin ulduz futbolçuları DÇ-2022-də Yaponiyaya 2:1 hesabı ilə uduzduqları matçla bağlı dəyərləndirmələr aparıblar.
E qrupunun ilk oyununda İlkay Gündoğanın Yaponiyaya vurduğu penalti qolu ilə 1-0 önə keçən Almaniya 75-ci dəqiqədə Ritsu Doan və 83-cü dəqiqədə Takuma Asanonun qollarının qarşısını ala bilməyib və mübarizəni 2-1 hesabı ilə uduzub.
İlkay Gündoğanın komanda yoldaşlarını tənqid etməsi diqqət çəksə də, baş məşqçi Hansi Flik də ulduz futbolçunun sözlərinə dəstək verib.
"Mançester Siti”nin ulduzu İlkay Gündoğan "Yaponiyanın işini asanlaşdırdıq. Xüsusən də ikinci qol, dünya çempionatında daha asan qol vurulubmu, bilmirəm. Dünya çempionatında belə qol vura bilməzsən. Oyunun böyük hissəsində biz üstünlük təşkil etdik. Cəbhədə inanılmaz şanslarımız oldu, amma ikinci qolu vura bilmədik. 8 dəqiqə ərzində çox asanlıqla iki qol buraxdıq”. dedi. Hücum edən oyunçuların topu almaqdan qorxduğunu deyən İlkay Gündoğan, "Oyunu arxadan quranda ön oyunçularda bir inamsızlıq oldu. Topu saxlamaqda, aktiv olmaqda və topa sahib olmaqda bizə çatışmırdı. İkinci hissədə çox uzun toplar oynadıq və qısa ötürmə oyunumuzu unutduq. Topu almaqdan yayındıq, topu çox tez və asanlıqla itirdik”. ifadələrdən istifadə edib. Almaniya Milli Komandasının baş məşqçisi Hansi Flick İlkayın tapıntıları ilə razılaşdığını bildirib, "İlkayın açıqlamaları sevindiricidir. Komandanın düzgün nəticə əldə etməsi və məsuliyyət daşıması mənim üçün vacibdir. Bu amansız məğlubiyyət və məyusluq idi. Yaponiya bu gün səmərəlilik baxımından bizi açıq şəkildə üstələməyi bacardı. Fərdi səhvlərə yol verməməliydik”. sözlərini söylədi. Almaniyalı qapıçı Manuel Noyer onların çıxışını tənqid edərkən, "Matçın sonuna qədər yaxşı müdafiə oluna bilmədik. İrəlidə sakit ola bilmədik və sürətli deyildik. Əgər biz daha yaxşı oyun göstərsəydik və özümüzə daha çox inamımız olsaydı, hər şey başqa cür ola bilərdi” - deyə oyunu şərh edib.
Mikayıl
