Qadınlara qarşı cinsi təcavüzə görə ittiham edilən Hollivudun tanınmış rejissoru Harvi Vaynşteyn onlarla razılaşma əldə edib.
Harvi bu razılaşmağa görə 44 milyon dollarından keçməli olacaq.
Bu saziş təcavüz haqqında mülki iddiaların bir çox hissəsini əhatə etməlidir. Lakin Vaynşteynə qarşı cinsi zorakılıq haqqında ittihamlara təsir göstərməyəcək.
Müqavilə imzalandığı təqdirdə, bütün məbləğ sığorta ödənişləri hesabına təmin olunacaq.
Qeyd edək ki, 2017-ci ildən etibarən 80-dən çox qadın, film ulduzları, eləcə də, məşhur modellər Harvi Vaynşteyn tərəfindən təcavüz və şiddətə məruz qaldıqlarını açıq şəkildə etiraf ediblər. 2018-ci ildə təcavüz və cinsi zorlamaya görə cinayət işi açılıb. Sözügedən iş üzrə məhkəmə prosesinin sentyabr ayında keçirilməsi gözlənilir.
Oxu.az
