AZXEBER.COM-un verdiyi məlumata görə, Madrid təmsilçisi ötən tur olduğu kimi, bu dəfə də meydana üzərində “AZERBAIJAN – Land of fire” (Azərbaycan – Odlar yurdu) yazılmış forma ilə çıxıb.

Xatırladaq ki, “Atletiko Madrid” bu formanı ilk dəfə 1 həftə əvvəl – “Real Madrid” ilə derbi matçında geymişdi. O zaman “ağ-qırmızılar”a bunun üçün 20 milyon avro ödəndiyi və bunun yalnız bir oyun üçün nəzərdə tutulduğu bildirilirdi. Lakin göründüyü kimi, deyilənlər həqiqətəuyğun olmayıb.

Əldə etdiyimiz məlumata görə, bu da son deyil. Belə ki, böyük ehtimalla, İspaniya nəhəngi çempionatın növbəti turunda baş tutacaq “Barselona” – “Atletiko Madrid” matçına da ölkəmizi təmsil edən forma ilə çıxacaq.