“Real Madrid” Qaret Beylin transferini rəsmiləşdirdikdən sonra əsas oyunçularından birini komandadan göndərib.
AZXEBER.COM-un məlumatına görə, türkəsilli yarımmüdafiəçi Mesut Özil bundan sonra “Arsenal”ın şərəfini qoruyacaq.
24 yaşlı futbolçu “topçular”a 50 milyon avroya başa gəlib. Müqavilənin detalları yaxın günlərdə ictimaiyyətə açıqlanacaq.
Qeyd edək ki, son 3 mövsümü “Real”ın heyətində keçirən Özil daha əvvəl Almaniyada “Şalke” və “Verder”in formasını geyib.
