Mətanət Əsədova: “Mənim oxuyan vaxtımdır, dalaşan yox”.
Bu sözləri AZXEBER.COM-a açıqlamasında müğənni Mətanət Əsədova söyləyib. O əməkdar artist Zöhrə Abdullayevanın bu gün ATV telekanalında yayımlanan “Gün Keçir” proqramında onun vəfat edən bacısı ilə bağlı səsləndirdiyi sərtfikilərə münasibət bildirərkən belə deyib:
“Mən bu barədə, danışmaq istəmirəm. Mənim oxuyan vaxtımdır, dalaşan yox”.
Müxbirimizin “Jurnalistləri efirlərdə tənqid edirsiniz, amma sizi tənqid edən Zöhrə Abdullayevaya nədənsə cavab vermirsiniz” sualına Mətanət Əsədova susmaqla cavab verib.
Amma bir müddət bundan öncə M.Əsədova Zöhrə Abdullayeva haqqında təhqiramiz fikirlər söyləmişdi. O, Z.Abdullayevin başının xarab olduğunu deyib:
“Bir adam ki 63 yaşında əməkdar artist adını alıb, o, mənim tayım deyil. Onun başı çatmır. O, mənimlə barışmaq üçün cəhdlər edir”.
Xatırladaq ki, Mətanətin “Bacım öləndə bəzi həmkarlarım qonaqlıq verib” sözlərinə Zöhrə Abdullayevadan cavab gəlib.
AZXEBER.COM portalı olaraq həmin verilişdə Zöhrə Abdullayevanın Mətanət Əsədova haqqında söylədiyi videonu təqdim edirik:
