İtaliyanın "Milan" klubundan ayrılacağı gündəmdə olan Robinyonun vətəni Braziliyaya qayıdacağı iddia olunur.

Qol.Az-ın İtaliya mətbuatına istinadən verdiyi məlumata görə, braziliyalı futbolçu "Santos" klubunun maraq dairəsinə düşüb.

2014-cü ilə qədər "Milan"la müqaviləsi olan 28 yaşlı futbolçunun da komandadan ayrılmaq istədiyi bildirilir. Braziliya təmsilçisi Robinyonun transferi üçün "Milan"a 10 milyon avro ödəməyə hazırdır. Lakin "Milan" klubu futbolçunu daha yüksək məbləğə satmağı planlaşdırır.

Qeyd edək ki, Robinyo ilə "Malaqa" klubu da yaxından maraqlanır.