Görüşdə İzzet Baysal Universitetinin rektoru prof.dr Hayri Coşkun qardaş ölkə olan Azərbaycan ilə Türkiyə arasında bütün sahələrdə, o cümlədən təhsil sahəsində əlaqələrin getdikcə genişlənməsindən məmnunluğunu ifadə edib. Azərbaycanla əməkdaşlığa böyük önəm verdiklərini deyən rektor Azərbaycanın bütün istiqamətlərdə getdikcə daha da inkişaf etməsindən sevindiklərini bildirib və iki ölkə arasında bütün sahələrdə münasibətlərin daha da inkişafından məmnunluğunu ifadə edib. İzzet Baysal Universitetinin rektoru prof.dr Hayri Coşkun rəhbərlik etdiyi Universitetdə artıq 10 yaxın azərbaycanlı tələbənin təhsil aldığını və onların sayının daha da artmasında maraqlı olduğunu söylədi və rəhbərlik etdiyi universitetin Azərbaycanın ali təhsil məktəbləri ilə əməkdaşlığın daha da genişləndirilməsinin vacibliyini qeyd etdi.
Millət vəkili Qənirə Paşayeva Azərbaycan universitetlərinin Türkiyənin ali təhsil müəssisələri ilə əməkdaşlığın getdikcə daha da genişlənməsinin vacibliyini qeyd edib və İzzet Baysal Universiteti ilə Azərbaycanın ali təhsil müəssisələri arasında əməkdaşlığın daha da genişləndirilməsinin önəmini bildirib. Azərbaycan ilə Türkiyə arasında əməkdaşlığın bütün istiqamətlərində olduğu kimi təhsil sahəsində də ildən-ilə əlaqələrin genişləndiyini vurğulayan millət vəkili Qənirə Paşayeva hər iki ölkənin orta və ali məktəblərində ortaq türk tarixinin, mədəniyyətinin tədrisinin vacibliyini də qeyd edib.
Millət vəkili Qənirə Paşayeva İzzet Baysal Universitetinin rektoru prof.dr Hayri Coşkuna Azərbaycan həqiqətləri, Dağlıq Qarabağ münaqişəsi ilə bağlı son vəziyyət barədə məlumat verib və qarşılıqlı maraq doğuran məsələlər ətrafında fikir mübadiləsi də aparılıb. İzzet Baysal Universitetinin rektoru prof.dr Hayri Coşkuna universitet kitabxanasına hədiyyə olaraq Azərbaycan həqiqətlərinə, mədəniyyətinə, tarixinə dair materiallar təqdim edilib.
Görüşün sonunda İzzet Baysal Universitetinin rektoru prof.dr Hayri Coşkun Azərbaycana səfər etməyə dəvət edilib. Azərbaycanı çox sevdiyini bildirən İzzet Baysal Universitetinin rektoru prof.dr Hayri Coşkun dəvəti məmnuniyyətlə qəbul edib, yaxın zamanlarda ölkəmizə səfər edəcəyini və bu səfərin rəhbərlik etdiyi İzzet Baysal Universiteti ilə Azərbaycanın ali təhsil məktəbləri arasında əlaqələrin daha da inkişafına təkan verəcəyinə inamını ifadə edib.
Millət vəkili Qənirə Paşayeva İzzet Baysal Universitetində təhsil alan azərbaycanlı tələbələrlə görüşüb, onlarla söhbət edib, yaxşı təhsil almalarının vacibliyini qeyd edib.
