Millət vəkili Adil Əliyev Xoşqədəm Hidayətqızının "Səni axtarıram” verilişi ətrafında yaranan növbəti qalmaqala münasibət bildirib.
AZXEBER.COM xəbər verir ki, millət vəkili teleaparıcı Xoşqədəm Hidayətqızını müdafiə edib.
O deyib ki, aparıcının verilişi cəmiyyət üçün faydalıdır: "Yayımlanan məlum video ilə bağlı lazımsız hay-küylər yalnız ucuz şou axtarmağa xidmət edir. Gördüyünüz kimi məlum videodakı insanın, yeriməyində və hərəkətində problemlər var. Hesab edirəm ki, həmin verilişin cəmiyyət üçün müsbət tərəflərini qabartmaq və gündəmə gətirmək lazımdır. Həmin verilişdə illərlə ayrı düşən insan taleləri birləşdi. Valideynlər uzun illər üzünü görmədikləri övladlarına qovuşdular. Eynilə, bacı qardaşını tapdı”.
A.Əliyev burada narahatlıq yaradan məqamı da xatırladıb: "Daxildəki video görüntülər yad insanların əlinə necə düşüb? Bax bunu müzakirə etməyə dəyər”.
