'Milli Şura Rusiyanın ideyasıdır' - Qabil Hüseynli
SİYASƏT
15:00 15.05.2013
2308
Milli Şuranın yaradılması istiqamətində müzakirələr getsə də, bir çox siyasi şərhçilər bunu İctimai Palatanın fəaliyyətinin dayandırılmasına və müxalifətin inhisara alınmasına edilən cəhd kimi qiymətləndirilər.Milli Şuranın perspektivləri ilə bağlı AZXEBER.COM-a danışan politoloq Qabil Hüseynli bildirdi ki, Milli Şura əslində, ölkə konistitusiyasının qaydaları ilə üst-üstə düşmür. Belə ki, Milli Şuranın etmək istədiklərini yalnız dövlət orqanları edə bilər ki, buda yalnız onların səlahiyyətləridir. “Rüstəm İbrahimbəyov Milli Şuranı “keçid dövrünün höküməti” kimi təqdim edir. Belə olanda da həmin təşkilatın legitimliyi, qanuna uyğunluğu gündəmə gəlir”.Bəs Milli Şuranın yaradılması İP-in taleyinə mənfi təsir edə bilərmi?“Milli Şura ideyası İP-in nüfuzdan düşməsinə səbəb olacaqsa, bunu bir manevr kimi qəbul etmək zənnimcə, düzgün olmazdı: “Əslində Milli Şuranın özü ölkənin qanunlarına uyğun olmayan siyasi manevrdir. Mİlli Şuranın yaradılması prezident seçkiləri ilində cəmiyyət arasında ciddi narazılıqlara səbəb olacaq və cəmiyyətdə xeyli gərginliyə səbəb olacaq. Məncə, bu layihənin yaradıcıları məsələ ilə bağlı ciddi düşünməlidirlər”.Politoloqun sözlərinə görə Milli Şura əslində Rusiyanın ideyasıdır. Bu Şuraya bütün dəstək Rusiyadan gəlir ki, burada da xüsusi maraqlar dayanır: “Milli Şuranın yaradılması ideyası Rüstəm İbrahimbəyova məxsusdur. Sonradan İctimai Palatanın təsisçiləri, yəni Müsavat və AXCP Milli Şuranın yaradılmasına müəyyən tərəddüd ilə yanaşsalarda, bu layihənin Rusiyanın ideasının olduğunu bildikdən sonra və bu proseslərdə onlar üçün müəyyən sərfəli məqamların olduğunu gördükdən sonra Milli Şura ideologiyasına qoşuldular. İndi isə formalaşma prosesi gedir. Lakin zənnimcə bu baş tutması mümkün olmayan bir layihədir”.Fatimə İbrahimova
