AZXEBER.COM İdman.biz-ə istinadən xəbər verir ki, Azərbaycan yığmasının da mövqeyi dəyişib.

Buna Albaniya ilə Macarıstanda keçirilən yoldaşlıq oyunu səbəb olub. Arif Əsədovun başçılıq etdiyi milli 1:3 hesabı ilə uduzub.

İki top fərqi ilə uduzan komanda 2 pillə də geriləyib. Millimiz onlayn sıralamada 1174,65 xalla dünyanın 114-cüsüdür.

Yığmamız Albaniya ilə görüşdə 3,18 xal itirib. Nəticədə Vyetnam və KXDR millimizi keçib.

Qeyd edək ki, komandamız növbəti matçını iyunun 11-də Qazaxıstana qarşı keçirəcək.