Yığma komandaların növbəti reytinq cədvəli açıqlanıb.
FİFA futbol üzrə yığma komandaların növbəti reytinq cədvəlini açıqlayıb. AZXEBER.COM-un qurumun rəsmi saytına istinadən verdiyi xəbərə görə, Azərbaycan millisi yeni siyahıda 118-ci yerdədir. Millimiz ötən aykı yerindən iki pillə irəliləyib. Hal-hazırda komandamızın 291 xalı var. Azərbaycan seçmə mərhələdə rəqiblərindən yalnız Lüksemburq yığmasını qabaqlayır. Lüksemburq 186 xalla 145-ci, Şimali İrlandiya 304 xalla 116-cı, Portuqaliya 1137 xalla altıncı, İsrail 540 xalla 62-ci, Rusiya 1059 xalla 11-ci yerdə qərarlaşıb. Reytinq cədvəlində İspaniya millisi başçılıq edir. İlk onluq belədir: 1. İspaniya (1614 xal), 2. Almaniya (1416), 3. Argentina (1287), 4. Xorvatiya (1222), 5. Hollandiya (1158), 6. Portuqaliya (1137), 7. Kolumbiya (1123), 8. İtaliya (1097), 9. İngiltərə (1095), 10. Ekvador (1066).
