"Amazon”un qurucusu Ceff Bezos jurnalist nişanlısı Lauren Sançezin İtaliyanın Venesiya şəhərində toydan əvvəl məclisi keçirilib.
AZXEBER.COM Axşam.aza istinadən xəbər verir ki, toya dəvət olunanlar ötən gündən şəhərə gəlməyə başlayıblar. Məclisə gələn Kardaşyan-Cenner ailəsi, ABŞ prezidentinin qızı İvanka Tramp əri Kared Kuşner, Leonardo Di Kaprio sevgilisi Vittoria Ceretti, Orlando Blum, müğənni Uşer xanımı Karli Kloss, Daşa Jukova milyarder əri Stavros Niarços obyektivlərə tuş gəlib. Daha sonra isə şənliyə İordaniya Kralı II Abdullah ibn Al Hüseynin xanımı, kraliça Rania Al Abdullah, oğlu Hüseyn və xanımı Rayva qatılıblar.
Məşhurlar şənliyə kutyur libaslarında gəliblər. Lakin pis hava şəraiti şənliyi pozub. Açıq havada keçirilən gecə yağış, tufan səbəbindən arzuolunun şəkildə olmayıb.
Qeyd edək ki, onların toyunun Venesiyanın mərkəzində 16-cı əsrə aid binada keçirilməsi planlaşdırılırdı, lakin yerli sakinlərin etirazları və təhlükəsizlik təhdidləri səbəbindən tədbir tarixi Arsenal kompleksinə köçürülüb.
Toyda şou-biznes ulduzları, siyasətçilər və cütlüyün yaxın adamlarından ibarət 250-yə yaxın insanın iştirak edəcəyi gözlənilir. Onlar üç günlük şənliyə təxminən 50 milyon dollar xərcləməyi planlaşdırırlar. Sançes "Dolce & Gabbana” moda evinin onun üçün hazırladığı 27 geyimi dəyişməyi planlaşdırır. Təşkilatçılar tortu hazırlamaq üçün məşhur fransız aşpazı Sedrik Qroleti işə götürüblər.
Bu, dünyanın ən zəngin insanlarından biri olan 61 yaşlı Bezosun ikinci evliliyi olacaq. Onun seçdiyi jurnalist Lores Sançesin 55 yaşı var və əvvəllər evli olub, onunla üç övladı var.
İtaliyanın Venesiya şəhərində keçiriləcək toy hazırlıqları çərçivəsində tarixi məkanlar, məşhur otellər və şəhərin bir çox hissəsi turistlər üçün bağlanılıb.
Şəhərin qayıqçıları isə toya dəvət olunanlara xidmət göstərilməsi məqsədilə ayrılıb.
