Pentaqon ABŞ-ın Ukraynanın istifadəsi üçün bütün MiQ-29 təyyarələrini Polşaya vermək təklifinə cavab verib. Pentaqonun sözçüsü Con Kirbi NATO-nun ciddi narahatlığına səbəb olan təklifi ağlabatan hesab etmədiklərini bildirib.
Bundan sonra Rusiyanın MiQ-29 döyüş təyyarəsinin xüsusiyyətləri bir çoxlarının marağına səbəb olub.
AZXEBER.COM bu təyyarələrin özəlliyi ilə bağlı kiçik araşdırma aparıb.
Sovet İttifaqında dizayn olunmuş iki mühərrikli, çoxməqsədli, dördüncü nəsil döyüş təyyarəsi. 1970-ci illərdə Mikoyan dizayn bürosu tərəfindən konstruksiya olunmuş bu qırıcı öz ölçülərinə görə daha böyük olan Su-27 ilə birlikdə ABŞ istehsalı F-15 və F-16 tipli döyüş təyyarələri ilə rəqabət aparmaq məqsədilə hazırlanıb. MiQ-29 ilk dəfə 1982-ci ildə Sovet Hərbi Hava Qüvvələrində silahlanmaya daxil edilmişdir.
Bu qırıcının istehsal olunmasında ilkin məqsəd düşmən qırıcıları ilə havada mübarizə aparmaq hesab olunsa da, sonradan ona əlavə edilmiş yüksək dəqiqlikli və uzun mənzilli hava-səth silahları sayəsində müxtəlif döyüş əməliyyatlarında istifadə edilə bilən çoxməqsədli qırıcıya çevrilmişdir.
Saatda 2 min 400 kilometr sürətlənmə qabiliyyətinə malik olan MiQ-29 11 ton boş, 14,9 ton tam çəkiyə malikdir. Kabus pilot tərəfindən idarə edildiyi iddia edilən xüsusiyyət 2,25 Mach sürətə çata bilir və 1430 kilometr məsafə qət edə bilir. Dayanacaqlar lazım olduqda təchiz oluna bilər. Döyüş təyyarəsində pulemyotdan əlavə raketlər və ya bombalardan istifadə etmək olar.
Uzunluğu 17, eni 11 metr olan təyyarə 3 min 500 kiloqram yanacaq götürə bilir.
İkimühərrikli MiQ-29 təyyarəsi hazırda Polşa, Bolqarıstan, Hindistan, Rusiya, Suriya, Ukrayna, Belarus və Özbəkistan da daxil olmaqla 20-dən çox ölkənin Hərbi Hava Qüvvələrinin istifadəsindədir.
Bəs MiQ-29-dan hansı ölkələr istifadə edir?
Banqladeş: 8
Belarusiya: 18 MiG-29B, 12 MiG-29 BM və 8 MiG-29UB
Bolqarıstan: 15 MiG-29S və MiG-29UB
Kuba: 14 MiG-29B və 2 MiG-29UB
Eritreya: 8 MiG-29
Hindistan: 56 MiG-29B və 6 MiG-29UPG
İran: 21 MiG-29A və 5 MiG-29UB
Qazaxıstan: 2018-ci ilin yanvarına 12 MiQ-29, 2 MiQ-29UB.
Şimali Koreya: 35 MiG-29B və 5 MiG-29UB
Malayziya: 10 MiG-29N və 2 MiG-29NUB
Özbəkistan: 30
Peru: 8 MiG-29.3 MiG-29SE, 6 MiG-29SMP və 2 MiG-29UBP
Polşa: 25 MiG-29A və 6 MiG-29UB
Rusiya: 254
Serbiya: 3 MiG-29B və 1 MiG-29UB
Slovakiya: 10 MiG-29AS və 2 MiG-29UBS
Sudan: 24
Suriya: 46
Türkmənistan: 20
Ukrayna: 70
Yəmən: 20 MiG-29SMT və 5 MiG-29UBT
Ayşən Mirzəyeva
